كريم الصوفي – كود//
[email protected]
ذكرات تقارير اخبارية ايطالية، أن محاكمة مغربي امام محكمة الجنايات ب بريشيا بدات هاذ السيمانة، بعد اتهامه بالتسبب ف وفاة مراتو بعد ما خوا عليها الليصانص وحرگها حية. الضحية ماتت بعد ايام من الواقعة متأثرة بمضاعفات الحروق اللي صابت 90 ف المائة من الجسد ديالها.
الواقعة جرات في 20 شتنبر 2020، بعد ما تلقات خدمة الطوارئ مكالمة من الضحية كتطلب فيها المساعدة وقالت حرفيا : “ساعدني ، من فضلك ، لقد أحرقني زوجي ، من فضلك ، أرسل لي سيارة إسعاف “. الضحية كانت كتبلغ 45 عام مشات الطاليان من 1990 والجلسة الاولى ديال المحاكمة عرفات توجيه اتهام بارتكاب جريمة قتل للزوج اللي عندو 55 عام وكان الصوت ديالو كيستمع في المكالمة ديال الضحية وكيتهمها انها هي اللي شعلات العافية ف راسها.
لكن تقرير الخبير الشرعي كشف أن طبيعة الحروق هي دفاعية والزوج متهم رئيسي ف الواقعة واخا حاول ينفي التهمة على راسو. والتقارير كشفات عن افادة رجل اطفاء قال ان الضحية صرحات ليه ان راجلها هو مول الفعلة كما هضرات مع قريب ليها ف التيلفون وقالت ليه راه راجلي حرگني وقتلني. كما صرحات اخت الضحية انها كانت ديما كتاكل العصا من راجلها وديما مضاربين.
موضوعات أخرى
صفقة عقارية خيالية فدبي.. برطما تباعت بـ422 مليون درهم
لقطة مؤثرة فعرسها مع جيف بيزوس.. كلمة ولدها خلات لورين سانشيز تبكي
