سعيد الشاوي كود كازا ///

عقلتو على واحد السيد كيقدم راسو مؤثر واسمو سعد عبيد اللي ضحك على “انوي” ودار حلف مع مدير الماركوتينك ف”دوزيم” باش باع ليهم فضيحة “الفرقة” فمونديال لعيالات بسويسرا. هادا كيقدم راسو ناشط فالبيئة. اييه. كتعرفو هاد العينة اللي كتمشي غير للميدان اللي الغرب وخاصة امريكا كتهدر عليه. كيجمع اللعاقة وكيجي يضحك على المغرب بجمعية اسمها “بحري”.

تصورو هاد الجمعية كتخدم فالبحر بشكل غير قانوني من 2023 واش غادي يدير هاد سعد عبيد؟ قرب ياخد شي دعم مالي كيف كيدير دائما فهولندا وقدم راسو ضحية. طبعا حملتو نجحات وخدا الدعم وكذب على لمغاربة.

هادا ما عمرو همو البيئة ولا الدفاع على البحر وكيبغي يخلعهم راه خدا شي جائزة باسم الاميرة. دار شي عملية شي عام وصافي. زعما نخلعكم بالاميرة وبجوائزها.

هاد العينة عندها طريقة معروفة باش تجمع. بحالها بحال عينة من الجمعيات الحقوقية. تقبل شكون اللي كيعطي لفلوس فامريكا او اوربا الشمالية. دير ملفات. تقدر راسها ضحية. تاخد دعم كبير. يعني ماشي همها لا نظافة لبيبلاج ولا غيرو. هاد خينا اللي قلبها بيع وشرا وعايش ملايري من فلوس التمويلات الاجنبية٬ كيقول باغي يخدم فبلاج اصلا عندو العلامة الزرقا.

وحتى فيديو باش تلاقاتو عمدة الدار البيضاء راه كان ف2022 علاش خرجو حتى اليوم. راه هادي دولة. العمدة ممكن تدعمك ولكن هاد الشي لا يعني تاخد رخصة. هادي فيها شروط.

صاحبنا عبيد خلط بين اللي كيشارك فالصفقات وهادا عندو قانون خاص بيه وبين الجمعيات غير الربحية كيف كيقدم راسو. هاد المقارنة كتبين لينا معدنو مزيان

راه كيفما حتال علي “دوزيم” باش خدا برنامج تافه بحالو٬ كيدير نفس الفيلم اليوم

لفضيحة هو ان دوزيم غادية تستضافو. يعني دوزيم تاع باه.