وكالات//

تعرضات المغنية والممثلة العالمية جينيفر لوبيز لوابل ديال الانتقادات، من بعد واحد العرض الفني فحفل “جوائز الموسيقى الميريكانية”، اللي كانت فيه لقطة صادمة، وخلات الناس يهاجموها بزاف.

وحسب جريدة “ديلي ميل” البريطانية، جينيفر لوبيز خلات المعجبين ديالها مقزّزين، ملي خلات وحدة من العارضات تبوسها وسط الأداء ديالها فافتتاح حفل توزيع الجوائز ديال سنة 2025 فلاس فيغاس، نهار الاثنين بالليل.

https://x.com/CicatrizDaRio/status/1927202228810441041

واحد المصدر قال للجريدة: “جي لو كانت باغية ترجع بقوة، وكانت كتروج للحفل ديالها بطريقة قوية، وتبعات التعليمات اللي عطاوها ليها فالعلاقات العامة، ودارت بالضبط داك الشي اللي قالو ليها باش تدير، خصوصاً بعد الانفصال ديالها مع بن أفليك”.

وزاد نفس المصدر وقال: “كانت كتواجه بزاف ديال الشكوك، ولكن كانت شجاعة، وما خلاتش التعاليق السلبية تحبطها، بل كملت حياتها ورجعات بقوة”، على حد تعبيرو.