الرئيسية > كود سبور > نگوما ودع الطنطاوي والرجاء برسالة مؤثرة
12/08/2022 15:00 كود سبور

نگوما ودع الطنطاوي والرجاء برسالة مؤثرة

نگوما ودع الطنطاوي والرجاء برسالة مؤثرة

كود سبور//

ودع الدولي الكونگولي اللاعب السابق ديالو الرجاء الرياضي لي انتقل لفريق الفحيحيل الكويتي، مكونات الفريق الأخضر بطريقة مؤثرة بزاف.

وانشر فابريس نگوما صورة فالحساب ديالو بانستگرام وهو معنق رضوان الطنطاوي الكاتب الإداري ديال الرجاء الرياضي واحد العناق حار ورفضها بواحد الرسالة ديال الوداع لي مؤثرة بزاف.
فابريس نگوما شكر رضوان الطنطاوي على المجهودات لكبيرة لي كيدير فالرجاء والخدمات والمساعدة لي قدمها ليه ملي جاء للفريق فالصيف ديال 2019، لدرجة أن الاهتمام لي عطاه الطنطاوي لنغوما جعل الأخير يحس به فحال الأب ديالو حسب الرسالة لي نشر ولي ختمها بعبارة “ديما ديما راجا” وغتبقاو ديما فقلبي.
للإشارة بالثلاث سنوات لي قضاها فابريس نگوما مع الرجاء الرياضي تميزت بالتتويج ديالو مع الفريق بمجموعة ديال الألقاب محليا إفريقيا وحتى عربيا، مع العلم أن المدربين لي دروبو الفريق ما كانوش كيعتامدو عليه بشكل كبير.

موضوعات أخرى