عن الوكالات ///

قال اسرائيليون لجريدة “نيويورك تايمز” باللي ناس حزب الله لقاو جثة حسن نصر الله وعلي الكركري صباح السبت. هاد الشي علاش علن الجيش الاسرائيلي قتلو وتعطل حزب الله باش ينعيه حتى البارح السبت 28 شتنبر 2024. حسب مصادر الجريدة الامريكية فالمخابرات الاسرائيلية عرفات فين كاين نصر الله هادي شهورا٬ لكن قرار الهجوم ما خداوه حتى السيمانا اللي فاتت.

اسرائيل وفق الجريدة الامريكية كانت خايفة يختفي من الضاحية الجنوبية فبيروت فين تقتل ويمشي لبلاصة اخرى. 

ووفق نيويورك تايمز لبلاصة اللي كان فيها ضرباتها اسرائيل ب80 قنبلة فدقايق قليلة وان العملية تخطط لتنفيذها قبل ايام

حسب اسرائيل فان هاشم صفي الدين٬ ولد عمة حسن نصر الله اللي ما كانش فالاجتماع اللي تقتل فيه زعيم حزب الله٬ المرشح المتحمل لخلافتو على رأس التنظيم. هاد الشخص وصفاتو الجريدة الميريكانية بلاعب رئيسي فالعمل السياسي والاجتماعي للتنظيم

وتوقعت ان يعلن عنه امينا عاما لحزب الله” قريبا