كود – وكالات//

شد البوليس ديال نيويورك راجل سميتو راؤول موراليس، عندو 51 عام، بعدما طعن جوج رجال البارح الخميس فحي أبر ويست سايد فمانهاتن، اللي فيه جالية يهودية كبيرة.

وكيقولو البوليس بلي كان كيغوت “الله أكبر” وقت الاعتداء، وهاد الشي خلا المحققين يفتحو تحقيق باش يعرفو واش الهجوم كان بدافع الكراهية ولا مرتبط بالحالة النفسية ديالو.

وحسب المعلومات الأولية، الضحية اللول، عندو 57 عام، تضرب بطعنة فالظهر، أما الضحية الثاني لي عندو 50 عام، جاتو الضربة فالكرش .

المسؤولين فالمدينة نددو بالحادث، وعمدة نيويورك زهران ممداني قال بلي البوليس قدر يوقف المشتبه فيه.

من جهتها، أكدت حاكمة ولاية نيويورك كاثي هوكول ورئيسة مجلس المدينة جولي مينين أن أي اعتداء على أشخاص بسبب ديانتهم مرفوض.