كود سبور//

نايضة فالبرازيل بسبب النجم ديالهم نيمار، اللي موحال يمشي لكاس العالم 2026 مع منتخب بلادو بسبب المستوى ديالو اللي ما قانعش به المدرب الطالياني كارلو انشيلوتي، مع العلم ان البرازيل طاحو مع المغرب فالگروب الثالث.

وحسب وسائل اعلام برازيلية، فنيمار ضرب لاعب معه ففريق سانتوس البرازيلي، وهذا الشي وقع ملي اللاعب روبينيو جونيور قلب نيمار بالكورة فالتداريب، ونيمار ما عجبوش الحال وقاليه يتكايس ويلعب بشويا، ولكن القضية بيناتهم تطورت لمخاصمة ونيمار فلحظة غضب عطى تصرفيقة لروبينيو جونيور فوجهو.

الاعلام البرازيلي قال ان الاجواء كانت شاعلة فالتداريب ديال الفريق بسبب هذا الشي اللي وقع بين نيمار وصاحبو اللي المضاربة اللي وقعت.