كود سبور//

رجع مهاجم نادي برشلونة، لامين يامال، للواجهة مرة أخرى بعدما انتشرت أخبار كتقول أنه دوز عطلة فالطاليان مع بنت ماشي صاحبتو الأرجنتينية نيكي نيكول.

هاد الأخبار زادت نوضات الجدل بين المتابعين على مواقع التواصل الاجتماعي، خصوصا بعدما خسر الفريق الكتالوني الكلاسيكو ضد ريال مدريد، وقرر يامال يمشي لميلانو مع صحابو باش ينسا الخسارة.

الصحفي الاستقصائي الإسباني جوردي مارتن كشف أن اللاعب مشى لإيطاليا مع فتاة أخرى ماشي نيكي، والأخبار هادي انتشرت بسرعة كبيرة على الشبكات الاجتماعية.

من جهة أخرى، يامال حاول يوضح الموقف فمراسلة خاصة مع الصحفي الإسباني خافي دي هويوس، وقال: “حياتي الخاصة وعلاقتي مع نيكي كول حاجة بعيدة على الجمهور بسبب كل الشائعات اللي كاينة”.

هاد التصريح كيبين أن يامال كيحاول يبعد نفسه على أي هضرة أو كلام على علاقتو بالمغنية الأرجنتينية اللي عمرها 25 سنة، وكيوضح الصحفي دي هويوس أن كل ما كيتقال حول اللاعب “ما عندو حتى أساس من الصحة”.

من جهة ثانية، نيكي نيكول مسحات جميع الصور ديالها مع يامال من حسابها على إنستغرام، وهو ما زاد الشكوك عند المتابعين ودعم انتشار الشائعات بين الجمهور. هاد الحركة، بحسب المتتبعين، كتلمح إلى توتر العلاقة فالكوبل.