وكالات//

مسحات مغنية الراب نيكي ميناج الحساب ديالها فـإنستغرام من بعد موجة ديال الانتقادات والغضب من عند الجمهور بسبب المواقف السياسية الأخيرة ديالها. وهاد القرار جا من بعد ما علنات على دعمها للرئيس الميريكاني دونالد ترامب وظهورها فمهرجان AmericaFest  اللي كتنظمو منظمةTurning Point USA، وكانت معاها إريكا كيرك.

التحول السياسي ديال نيكي دار ردود فعل قوية عند المتابعين ديالها، حيث أغلبهم عندهم ميولات ليبرالية، وهاد الشي خلاها تبعد على وسائل التواصل الاجتماعي عشية عيد الميلاد.

ملي كيقلبو على الحساب ديالها، كتطلع رسالة كاتقول: “سمح لينا، هاد الصفحة ما متوفراش”. وهاد الشي ماشي أول مرة تمسح فيها نيكي ميناج الحساب ديالها فإنستغرام، وهاد الشي خلا بزاف الناس يتساؤلو واش الغياب ديالها غادي يطول هاد المرة ولا لا.

فمهرجان AmericaFest نهار 21 دجنبر، هضرات نيكي قدّام جمهور ديال الشباب حد إريكا كيرك، ومدحات الرئيس ترامب ونائبو جيه دي فانس، وقالت: “كنحس براسي قريبة منهم ملي كنسمع ليهم”. ولكن استعملات كلمة دارت الجدل، ملي وصفات فانس بـ“قاتل”، وهاد الشي خلا ردود فعل كبيرة فالإنترنت.

ورغم الجدل، دافعات إريكا على نيكي وقالت باللي هي عارفة النية الحقيقية ديالها، وأن داك الكلام غير تعبير وما كيعكسش حقيقتها. حتى نيكي وضحات فمقابلة مع برنامج Turning Point أنها كتكن احترام وإعجاب للرئيس ترامب، وكتشوف أن الإدارة ديالو عامرة بناس “عندهم قلوب وأرواح زوينة”، وقالت باللي فخورة بدعمو.