كود مراكش//

نيكولا ساركوزي الرئيس الفرنسي السابق ومراتو المانكان السابق والمغنية كارلا بروني، مازالين في مراكش مستمتعين  مع بنتهم الصغيرة بجو مدينة سبعة رجال.

وكارلا بروني حطات فيديو جديد في الستوري ديال انستكَرام لبنتها وهي مستمتعة فجامع الفنا وكتدير الحنة في يدها.

وحطات تصويرة ديال “لا بالموري” وكتبات عليها انها بلاصة ساحرة وشكرات المغرب على جمالو.

“لي ساركوزي” كاينين فين في مراكش من منتصف دجنبر، وبان في أكثر مناسبة وهو كيتسارا في الكوتشي. وكانت كارلا عبرات على الحب ديالها المغرب والالوان والناس لي كينين في مراكش.