كود سبور//

خرج الدولي الايفواري نيكولاس بيبي، وطلب المسامحة من الجمهور المغربي، بعد هاديك الهضرة اللي كان قال على غياب المنتخب الوطني المغربي عن التتويج بكاس افريقيا.

نيكولاس بيبي اللي كان بان فـ واحد الفيديو وهو كايقول بلي المنتخب المغربي ما عندهم حتى نجمة او يمكن عندهم واحدة ربحوها “عام 1818” اللي باه كان مازال گاعما تزاد، خرج وطلب المسامحة من الجمهور المغربي.

ونشر اللاعب الايفواري سطوري قال فيه: “كنا غير كانضحك، المسامحة إلى تفسر كلامي وتفهم غالط من طرف المشجعين المغاربة، وراني كنت كانهضر غير على قوة المنافسة فـ كاس افريقيا، وحنا كاملين خوت وأفريقيا كاتجمعنا وفاك العنصرية”.