كود سبور//

بادرت إدارة نجيليك النيجري الخصم ديال فريق الرجاء الرياضي فدور 32 من دوري أبطال إفريقيا، إلى  اتخاذ قرار مهم من أجل تحفيز اللعابا ديالها على الفوز فالماتش ضد الفريق الأخضر نهار السبت المقبل فلقاء الألي اللي غادي يكون فالنيجر.

وقرر المسؤولون ففريق نجيليك يديرو الدخول فابور فالماتش ضد الرجاء الرياضي، ويحلو البيبان ديال تيران الجنرال سيتي كونتشي فالعاصمة نيامي قدام جمهورهم باش يدخل أكبر عدد منهم لدعم اللعابا ديالهم، والضغط على الرجاء من أجل الفوز على الفريق الأخضر.

للإشارة فالوقت اللي غادي يستافد فيه فريق النيجر  نيجليك من دعم جمهورو فماتش الذهاب ضد الرجاء الرياضي السبت المقبل، فبالمقابل غادي يكون ممثل الكرة المغربية محروم من جماهيره فماتش روتور بسبب العقوبة المفروضة عليه من الإتحاد الإفريقي لكرة القدم.