وكالات//

أكدات مصادر باللي مسلسل ميغان ماركل “مع حبي، ميغان” ما غاديش يرجع بموسم ثالث على نتفليكس، حيث ما كايناش حتى شي خطط فالمستقبل باش يكملوه.

البرنامج تعرّض لأول مرة العام اللي فات بجوج مواسم، وزادو حتى حلقة خاصة ديال الأعياد. ورغم أن شي متابعين تفاعلو معاه بشكل إيجابي، الدعم ما كانش كافي باش يتجدد المسلسل، حسب مصادر مطلعة. وقال واحد منهم: “المسلسل ما غاديش يرجع. كانو شي نقاشات على حلقات خاصة بالأعياد، ولكن دابا ما كاين حتى شي حاجة واجدة ولا خدامة عليها.”

ورغم إلغاء البرنامج، متوقع أن ميغان ماركل تركّز أكثر على توسيع العلامة التجارية ديالها As Ever اللي طلّقاتها العام اللي فات، وغادي تقدّم محتوى مشابه بحال وصفات الطبخ والحرف اليدوية عبر حساباتها فمواقع التواصل الاجتماعي، ولكن بشكل مختصر وخفيف.

أما الحلقة الأخيرة من المسلسل، اللي تْعرضات فدجنبر اللي فات، فكانت فيها ميغان كتشارك فأنشطة موسمية بحال صنع أكاليل الزهور وتقنيات تغليف الهدايا، وحققات انتشار واسع رغم الآراء المتباينة والانتقادات اللي تلقاتها.