وكالات//

البوليس في ميريكان شدو راجل ساكن في ولاية ماساتشوستس كرا قاتل محترف باش يدير جريمة في حق مراتو، لكن الصدمة كانت قوية.

القاتل المحترف هو في الأصل بوليسي كيخدم متخفي، ودابا الراجل كيواجه الحبس لمدة 10 سنين وغرامة 250 ألف دولار.

الراجل جاتو فكرة يقتل مراتو بعدما خرج قرار من المحكمة بعدم التعرض ليها، وعرض على القاتل المحترف 10 آلاف دولار وعطاه معلومات على كاميرات المراقبة وكيفاش يدخل الدار بكل راحة.