وكالات//

تسبب واحد الفيديو منتشر فمواقع التواصل الاجتماعي فغضب كبير فالهند، من بعدما بان فيه واحد الطبيب فكلية إنديرا غاندي الطبية (IGMC) فمدينة شيملا فشمال البلاد، وهو كايضرب مريض كيعاني من مشاكل فالتنفس، غير حيث المريض طلب منو يهضر معاه باحترام.

وفالتفاصيل، المريض أرجون بانوار كان مشى للسبيطار يدير فحوصات طبية، ومن بعد تمدّد فسرير فجناح آخر حيت كان كيعاني من صعوبة فالتنفس.

وحسب ما قالت جريدة “الديلي ميل”، وضّح بانوار أن الطبيب بدا كيهضر معاه بطريقة قاصحة ومن دون حتى شي استفزاز، ومنين تشكى من الأسلوب ديالو، وقع نقاش بيناتهم، الشي للي خلا الطبيب يعتدي عليه بالضرب.

وقال بانوار: كنت دابا درت عملية تنظير القصبات وكنت كنختنق فالتنفس. منين طلبت الأوكسجين، الطبيب شكّك فسبب دخولي للسبيطار. طلبت منو يهضر معايا باحترام، ولكن ولى عدواني وبدا كايضربني”.