كمال لمريني – كود وجدة //

تعرضات فتاة كاتبلغ من العمر حوالي 15 عام لمجموعة من الطعنات على مستوى الوجه نتاعها فـ منطقة “تاويمة” بإقليم الناظور، من طرف ولد جيرانها، وذلك بعدما رفضات تمارس معاه الجنس.

وقالت الفتاة الضحية، أن المعتدي كان ديما كايهددها بالاغتصاب ويترصد الخطوات ديالها، غير أنه مؤخرا فاش كانت غاديا للحانوت باش تقدا تعرض ليها فـ الطريق وطالبها تمشي معاه بالقوة وتمارس معاها الجنس.

وأضافت، أنها بعدما رفضات هاد الطلب شرمل ليها الوجه ديالها وهادشي اللي خلاها تدخل فـ حالة هيسترية، وفي  نفس الوقت قام المجرم، اللي معروف  باستهلاك القرقوبي، بجرح أطراف من جسده.

ومن جهتها، قامت عناصر الدرك الملكي بتوقيف المعني بالأمر، حيت تم الاحتفاظ به رهن تدبير الحراسة النظرية لفائدة البحث الذي يجري تحت اشراف النيابة العامة المختصة في انتظار تقديمه إلى العدالة من أجل المنسوب ليه.