الرئيسية > كود-تيفي > نهيلة “باربي” لي طلقات على 16 العام وكان حلمها تكون مزوجة قبل 30 عام كتعطي نصائح: ندمت ندمت ندمت – فيديو
08/09/2019 17:00 كود-تيفي

نهيلة “باربي” لي طلقات على 16 العام وكان حلمها تكون مزوجة قبل 30 عام كتعطي نصائح: ندمت ندمت ندمت – فيديو

نهيلة “باربي” لي طلقات على 16 العام وكان حلمها تكون مزوجة قبل 30 عام كتعطي نصائح: ندمت ندمت ندمت – فيديو

نجوى المالحي-كود//

عارضة الازياء والماكيوز نهيلة أملقي لي كانت ضربات جوج دراري في مراكش بطوموبيلتها ودخلات الحبس قبل ما تخرج بكفالة وتخلص الدية واخا ماتو، دارت البارح لايف في انستكرام كتدوي مع البنات الصغار لي عاد باديين فالحياة وكيبان ليهم الزواج هو المستقبل.

نهيلة باربي ندمانة حيت ماقراتش وماتخرجاتش دكتورة وفضلات انها تزوج برجالةلاباس عليهم كيعاملوها معاملة خايبةوكتنصح البنات باش يقراو ويديرو مستقبلهم

Publiée par GOUD sur Dimanche 8 septembre 2019

نهيلة لي تزوجات في 16 العام من راجل كبر منها وعاودات تزوجات مؤخرا وهي في عمر 21 عام، عطاتهم نصائح، وقالت للبنات قراو وديرو مستقبلهم وميعولوش على الراجل لي يدير ليهم. وضربات المثال براسها وقالت انها ندمات بزااااف حيت خرجات من القراية وكان يسحاب ليها الزواج هو كلشي.

وكانت “باربي” لي مستقرة في دبي وموجودة حاليا في مراكش جاوبات في لايف هادي شي 4 اشهر على سؤال وحدة من المتتبعات لي قالت ليها “فين كتشوفي راسك من هنا 10 سنين”: “نكون مزوجة ومستقرة في داري”.

وفي عام ومن بعد ما خرجات من الحبس اعتزلات الماكياج ورجعات، حيت تخطبات وتزوجات من سعودي عمرها مابيناتو فالتصاور.

موضوعات أخرى