كود سبور- القاهرة//

سالاو نهضة بركان الاستعدادات لمواجهة الزمالك المصري غدا الأحد فروتور فينال كاس الكونفدرالية الإفريقية فالعاصمة المصرية القاهرة.

ودارو نهضة بركان اليوم السبت بالليل آخر حصة تدريبة قبل الفينال ضد الزمالك، وكانت فتيران القاهرة الدولي اللي غايتلعب فيه الماتش بين الفريقين.

وعرفت الحصة التدريبية اللي كانت تحت إشراف المدرب معين الشعباني، ماركة گاع اللاعبين حتى من عمر عرجون اللي ما غايلعبش حيث موقف، وركز فيها المدرب البركاني على الروتورشات الأخيرة والنهج التكتيكي اللي غايلعب به الفريق.

وكانت الحالة النفسية ديال اللاعبين وهما كايترينيو مزيانة وناشطين ومركزين، وسط جو ديال العائلة، والمورال ديالهم طالع خصوصا بعد الزيارة اللي دار لهم السفير المغربي فالقاهرة مع جمعية الإعلاميين والناشرين، باش يهزو لهم المورال.