كود سبور//

قررو بعثة نهضة بركان يمشيو لوطيل يرتاحو، فالعاصمة الجزائرية بعدما تعداو عليهم السلطات الجزائرية اليوم الجمعة، فمطار هواري بومدين.

وغيمشيو بعثة نهضة بركان يرتاحو هاد الليلة، حتى يدار حل مع الاتحاد الأفريقي بخصوص التونيات ديال الفريق اللي حجزو عليهم الديوانا الجزائرية فمطار هواري بومدين حيث فيهم خارطة المغرب.

ادارة نهضة بركان برئاسة حكيم بن عبد الله، قررت ان الفريق يمشيو لوطيل باش يرتاحو، بتنسيق مع الاتحاد الأفريقي لكرة القدم، اللي عطاهم كلمة باش ياخدو التونيات ديالهم غدا السبت باش يلعبو ضد اتحاد العاصمة الاحد الجاي الالي ديال دومي فينال كاس الكونفدرالية الافريقية.