كود سبور//

عرف فريق نهضة بركان الخصم ديالو فربع نهائي كأس الكونفدرالية الإفريقية، وهي المسابقة اللي يعتبر الفريق المغربي المرشح الأول لانتزاع لقبها هذا الموسم.

وطيحت قرعة كأس الكونفدرالية الأفريقية اللي تسحبت قبل لحظات من اليوم الخميس بالعاصمة القطرية الدوحة، فريق نهضة بركان وصيف بطل النسخة الماضية وبطل النسخة قبل الماضية، ضد فريق أسيك ميموزا الإيفواري.

وغايتلعب ذهاب ربع نهائي كأس الكونفدرالية بين نهضة بركان وأسيك ميموزا الإيفواري فالكوت ديفوار والروتور غايكون فالمغرب.