كود سبور//

ربحو نهضة بركان الزمالك المصري فلالي ديال فينال كأس الكونفدرالية الأفريقية اليوم الاحد فتيران بركان، فمواجهة كانت قوية وتأجل فيها حسم اللقب للروتور فالقاهرة.

وسالا لإلي ديال كأس الكونفدرالية الإفريقية بين نهضة بركان والزمالك المصري، بنتيجة 2 لواحد لمصلحة الفريق المغربي، وقدرو نهضة بركان يماركيو الهدف الأول فالدقيقة 13 وسجلو الكابيتان يوسوفو دايو من بيلانتي، والهدف الثاني ماركاه عادل تاحيف فالدقيقة 32 وقدرو يكملو الشوط الأول رابحين بجوج لزيرو، وفالشوط الثاني نجحو الزمالك وقلصو النتيجة بهدف فالدقيقة 46 بواسطة سيف الدين الجزيري، وحاولو الفراقي بجوج يماركيو أهداف أخرى ولكن ما قدروش وسالاو بجوج لواحد.

وعطات نتيجة الرباح بجوج لواحد فلالي ديال فينال كأس الكونفدرالية الإفريقية، الامتياز لنهضة بركان أمام الزمالك المصري، في انتظار نتيجة ماتش الروتور السيمانا الجايا فالعاصمة المصرية القاهرة، واللي غاتكون حاسمة فتحديد هوية بطل هاد النسخة من كأس الكونفدرالية الإفريقية.