كود سبور//

دارو نهضة بركان صفقة مهمة فهاد الميركاتو الصيفي، بعد صفقة مدرب الراس الأخضر اللي سناو معاه قبل اسابيع.

نهضة بركان سناو مع ريان مينديز الكابيتان ديال منتخب الراس الأخضر، فصفقة انتقال حر حيث ما عندوش فرقة.

ريان مينديز هو لاعب مزدوج الجنسية الراس الأخضر والفرنسية وعندو 36 عام، وهو مهاجم وفايت له لعب مع فلوهافر وليل الفرنسيين ولعب حتى فتركيا والإمارات.

التعاقد مع مينديز جا بطلب من مدرب نهضة بوبيستا المدرب السابق لمنتخب الراس الأخضر، واللي كان هذا اللاعب من العناصر اللي حقوق معه نهضة كروية فالسنوات الأخيرة فالكاب ڤير واللي توجوها بظهور تاريخ واول مشاركة فمونديال 2026.