كود سبور//

حقق نهضة بركان انطلاقة مزيانة في دور مجموعات كأس الكونفدرالية الإفريقية، وربح الخصم ديالو لوندا سول الأنگولي، اليوم الأربعاء بالملعب البلدي ببركان برسم الجولة الأولى.

وسالا الماتش بين نهضة بركان ولوندا سول الأنگولي بنتيجة 2 لزيرو، لمصلحة البركانيين وماركاهم ليهم بجوج الكابيتان يوسوفو دايو في الدقيقتين 21 و80 من الماتش اللي تحكمو فيه البركانيين مزيان.

وبهذا الرباح، خداو نهضة بركان 3 نقاط تصدر بها الفريق المجموعة الثانية مع فريق السطاد المالي بنفس الرصيد من النقاط 3 بوان لكل فريق، أما لوندا سول الأنگولي كايحتل المركز الأخير مع ستيلينبوش الجنوب إفريقي بصفر نقطة.