كود سبور//

سهلو نهضة بركان بزاف على الجمهور ديالهم فثمن تذاكر لالي ديال دومي فينال كأس الكونفدرالية الأفريقية ضد الزمالك المصري اللي غايتلعب الاحد الجاي فتيران بركان، باش يضمنو أكبر مساندة وتشجيع للفريق فهاد المباراة المصيرية.

وقررو نهضة بركان يديرو ثمن تذاكر لالي ديال الفينال ضد الزمالك المصري ابتداء من 20 درهم، وكاينين تذاكر 30 درهم، وغايبدا البيع ديال التذاكر اليوم الجمعة وغايبقى حتى للسبت، وغتبدا عملية البيع مع 9 الصباح حتى 12 ونص يوم الجمعة ومن 3 ديال العصر حتى 7 العشية، والسبت من 9 الصباح حتى 1 الظهر، ومن 3 العصر حتى 7 العشية.

ومعولين نهضة بركان على تحقيق نتيجة إيجابية هنا فالمغرب ضد الزمالك المصري الاحد الجاي فلالي كاس الكونفدرالية فتيران بركان، قبل ما يمشيو يلعبو الروتور فالعاصمة المصرية القاهرة الاحد 19 ماي.