كود – وكالات //

قال علي جعفريان، نائب وزير الصحة فإيران، باللي الحرب فهاد التسع أيام الأخيرة خلات كثر من 1255 قتيل، وزاد فتصريحات صحفية أن أكثر من 12 ألف شخص تجرحو.

وذكر أن القتلى تراوحت أعمارهم ما بين رضيع عندو 8 شهور وشيخ عندو 88 عام ومنهم 200 امرأة، وحتى بين الاطبا تقتل 11 لواحد وتجرح 55 آخرين.

من جهة أخرى علن الجيش الأمريكي لبارح الأحد على موت جندي أمريكي بسباب الجروح اللي تعرض لها فالهجوم لي وقع السيمانة اللي فات فالسعودية، وبهادشي ولى مجموع الجنود الأمريكيين اللي تقتلوا فالحرب الإيرانية سبعة.

أما وكالة أنباء البحرين الرسمية قالت اليوم الاثنين إن شركة بابكو عطلات بعض العمليات ديالها وعلقات النشاطات ديالها بعد ما أثر النزاع الإقليمي والهجوم الأخير على مجمع التكرير ديالها.