كود الرباط//

كيف العادة، هاد الايام مع الحرارة، تم تسجيل ارتفاع في انخفاض نسبة ملء السدود، فبعدما كان الانخفاض لبارح غير بناقص 0.01 فالمائة (مقارنة مع اول البارح)، فإن هاد الانخفاض تضوبلا اليوم ووصل لناقص 0.02 في المائة مقارنة مع لبارح في مجموع السدود (للي مساحتها 16 ألف مليون و112 ألف متر مكعب).

وبلغات نسبة ملء السدود، اليوم الاربعاء (ثالث عيد الاضحى)، 30.78 في المائة، بمعنى النسبة غاديا وكتهبط وممكن توصل لأقل من 30 فالمائة. مع العلم ان نفس الفترة من العام لي فات سجلت 33 في المائة.

هاد العام مكفس على الفلاحة وعلى الوضعية المائية عموميا فبلادنا، لذك سارعت الحكومة على تنفيذ برامج تحلية مياه البحر وكذا انجاز سدود جديدة، لانقاذ مدن المملكة من شبح العطش.