الرئيسية > كود سبور > نهائي كأس العرش.. “الطاس” واحل بسبب انقسام البام ومبغاوش يطلبو الدعم من بيوي لي مع تيار المستقبل
14/11/2019 08:00 كود سبور

نهائي كأس العرش.. “الطاس” واحل بسبب انقسام البام ومبغاوش يطلبو الدعم من بيوي لي مع تيار المستقبل

نهائي كأس العرش.. “الطاس” واحل بسبب انقسام البام ومبغاوش يطلبو الدعم من بيوي لي مع تيار المستقبل

كود الرباط//

“الأزمة الداخلية” في حزب “الاصالة والمعاصرة” أثرت سلبيا على وضعية فريق الاتحاد البيضاوي قبل نهائي كأس العرش في مواجهة فريق حسنية أكادير، النهائي غادي تحتضنو مدينة وجدة.

حسب معطيات حصرية توصلت بها “كود” فإن الطاس باقي كيقلب على لي يحتضنو ف وجدة، لي يقدر يوفر ليه امكانيات الاعداد والتربص استعدادا لمواجهة فريق غزالة سوس، خصوصا وأن رئيس الجهة محسوب على تيار المستقبل في حين المسيريين ديال هاد الفريق محسوبين على تيار الشرعية لي تابع لحكيم بنشماش.

مصادر “كود” قالت بأن “مسؤولي الطاس مبغاوش يطلبو بيوي لي عندو امكانيات كبيرة حيث محسوب على تيار المستقبل لي باغي يطير بنشماش”.

نفس المصادر أكدت أن “الطاس فاش كان ف طنجة لقا لي يتدخل ليه، والأمر متعلق ب العربي المحرشي أحد اعيان البام في الشمال، لي تدخل الفرق باش تلقا مكان زوين تستقر فيه وتستعد فيه للمباراة”.

نهائي مثير، فيه الحسنية والطاس، الأخير لي كيتعبتر من أقدم الأندية المغربية ولي تأسس سنة 1947.

موضوعات أخرى