كود سبور//

احتفلت الجماهير المغربية اللي حضرات فينال كأس أفريقيا للفوتسال بمغربية الصحرا، قدام رئيس الاتحاد الدولي لكرة القدم جياني إنفانتينو ورئيس الكاف باتريس موتسيبي.

وملي بدا توزيع جوائز كوب دافريك للمنتخبات المتوجة ومن بينها المنتخب المغربي بطل هاد النسخة، بدات الجماهير المغربية اللي كاينة فقاعة مولاي عبد الله فالرباط كتغني “الصحرا مغربية” قدام رئيس الفيفا ورئيس الكاف اللي كانو حاضرين وعاجبهم الحال بزاف وفرحانين حيث جاو للمغرب.

وكيجي هذا الشي بعدما ربح فريق نهضة بركان بالقلم ذهاب دومي فينال كأس الكونفدرالية ضد اتحاد العاصمة فالجزائر، بعدما تلغا الماتش بسبب تونيات نهضة بركان اللي حجزت عليهم السلطات الجزائرية فخرق سافر لقانون الكاف.