أنس العمري -كود//

المشجعين اللي غاديين يكونو فالملعب ديال الأمير مولاي عبد الله فالرباط اليوم الأحد خاصهم يكونو واجدين لأمسية باردة.  حيت توقعات الأرصاد كتأكد أن درجات الحرارة غادي تبقى منخفضة، والرطوبة غادي تكون عالية طوال المباراة القارية.

درجة الحرارة غادي توصل تقريباً لـ9 درجات مع الستة ديال العشية، ومن بعد غادي تبدا تنزل شوية بشوية طوال المساء. وقت انطلاق المباراة مع الثمانية ديال العشية، الحرارة غادي تكون حوالي 8.1 درجة، وغادي تنزل حتى توصل 7.6 درجة مع نهاية اللقاء مع العشرة ديال الليل.

البرودة غادي تحس بها أكثر بسبب الرطوبة العالية اللي كتسجل حتى 95 في المائة، مع هبوب ريح جنوبية بسرعة 10 كيلومتر فالساعة. ورغم أن السما غادي تبقى مغطية بالغيوم، احتمال تساقط الأمطار ولكن غتكون قليلة بزاف، أقل من 1 ملم.