وكالات//
نوض واحد النمر الرعب في تونس فين بان وهو كيتسركل في شوارع منطقة الشيحية بولاية صفاقس التونسية.
وبارطاجاو بزاف ديال الناس واحد الفيديو لهاد النمر كيبان فيه وهو كيدور في الأحياء السكنية.
وقالو شهود عيان إن النمر مكانش في حالة ديال الهيجان ولكن دخل الرعب للنفوس ديال الناس لي كانو تما وهو شي لي خلاهم يعيطو للبوليس.
ومللي جاو البوليس ملقاوش كيفاش يتعاملو معاه من غير أنهم تيراو فيه بالقرطاس وقتلوه، ومن بعد شدو مولاه.
وقالت بزاف ديال التقارير الصحفية التونسية إن البوليس لقاو أن هاد السيد كان عندو هاد النمر بطريقة غير قانونية، وبالتالي فغادي يتابعوه في هاد القضية.
