گود سبور//

نايضة على الاتحاد الدولي لكرة القدم فالميريكان، ونقابة تماك دارت ضدهم شكاية للمجلس الوطني لعلاقات العمل، هما وشركة كروينكي للرياضة والترفيه، كاتهمهم بجوج بالتقصير، وكاتطالب باش  إدارة الهجرة والديوانا الميريكانية ما يدخلوش لتيران سوفي قبل كاس العالم الصيف الجاي، حسب جريدة The Athletic الميريكانية.

وقالت الجريدة، ان نقابة “يونايت هير لوكال11″، وكاتمثل كثر من 30 ألف عامل فلوطيلات والمطارات والتيرانات فلوس انجلوس وجنوب كاليفورنيا و2000 عامل منهم فتيران سوفي خدامين اغلبهم فليريسطو قدمت الشكاية بسبب ظروف العمال.

النقابة كاتطالب بحماية حقوق العمال، وكاتهدد بالإضراب وقالبك خايفين يدخلو عناصر إدارة الهجرة والديوانا للتيرانات، حيث هذا الشي كايبزط العمال اللي دايرين النقابة وكايخفو يتشدو ولا يتطور هذا الشي لاحداث عنف.