الرئيسية > آش واقع > نقابة بهدلات مدارس البريفي. راسلات رئيس الحكومة ووزير التعليم باش يوقفوهم عند حدهم وصرحات: “كاياكلو المهنيين فرزقهم وجراو على التلاميذ وماكيهموهم غير الأرباح” 
29/07/2020 19:30 آش واقع

نقابة بهدلات مدارس البريفي. راسلات رئيس الحكومة ووزير التعليم باش يوقفوهم عند حدهم وصرحات: “كاياكلو المهنيين فرزقهم وجراو على التلاميذ وماكيهموهم غير الأرباح” 

نقابة بهدلات مدارس البريفي. راسلات رئيس الحكومة ووزير التعليم باش يوقفوهم عند حدهم وصرحات: “كاياكلو المهنيين فرزقهم وجراو على التلاميذ وماكيهموهم غير الأرباح” 

عفراء علوي محمدي- كود//

وجهات الجامعة الوطنية للتعليم FNE التوجه الديمقراطي رسالة لكل من رئيس الحكومة، ووزير التعليم، ووزير الشغل، كتطلب منهم فيها يتدخلو باش يفرضو احترام قوانين الشغيلة فالمدارس البريفي.

وقالت الجامعة، فرسالتها اللي توصلات بيه “كود”، أن مجموعة كبيرة من المدارس الخاصة مكتعطيش للمهنيين ديالها الحد الادنى دالأجور، ومامصرحاش بيهم فلاسينيسيس وفالضمان الاجتماعي، ومكيتعوضوش فالعطل، كيف كتتم مصادرة حقهم النقابي.. وقالت بللي كتمارس “أعتى أشكال القهر والعبودية والنهب ومجال للريع، وكيكرس الهشاشة الاجتماعية من خلال وضعية اللاستقرار النفسي والاجتماعي لجل العاملات والعاملين به”.

وقالت بللي جشع المدارس الخصوصية بان مع أزمة كزرونا، بحيث جرات على التلاميذ اللي ماقدروش واليديهم يخلصو عليهم، وتعاملات مع الأسر بوقاحة، وحرمات الأطر التربوية من اجورها، حيت الهدف ديالها الوحيد هو “مراكمة الأرباح”، حسب تعبيرها.

وطالبات الجامعة رئيس الحكومة ووزير التعليم وزير الشغل، من خلال رسالتها، بفرض احترام العمل النقابي بقطاع التعليم الخصوصي ورفع كل أشكال التضييق في ممارسته، وتمكين المهنيين فيه من الأجور المستحقة لعملهم التربوي والإداري، وإلزام أرباب المؤسسات باحترام الحد الأدنى للأجور لكل الفئات العاملة بهذا القطاع، والتصريح الفوري والجماعي لكل العاملات والعاملين بالصندوق الوطني للضمان الاجتماعي، واحترام عدد ساعات العمل القانونية، والاستفادة من العطلة السنوية المؤدى عنها…

موضوعات أخرى

04/08/2020 17:30

الموت باقا طالعة وحتى الاصابات.. حصيلة كورونا هاد 24 ساعة: 1021 تصابو و16 ماتو و661 تشافاو.. الطوطال: 27217 مصاب و417 متوفي و19629 متعافي و7171 مازال كيتعالجو من الفيروس