الرئيسية > تبركيك > نقابة التمثيل عطات القاصح للممثلة حلا شيحة اللي تبرات من فيلم شاركات فيه قبل ما تعتزل ودير الحجاب: ماغنسكتوش على محاولات العودة بنا للصفر ونشر الفكر الظلامي اللي خرج على مصر
16/07/2021 17:00 تبركيك

نقابة التمثيل عطات القاصح للممثلة حلا شيحة اللي تبرات من فيلم شاركات فيه قبل ما تعتزل ودير الحجاب: ماغنسكتوش على محاولات العودة بنا للصفر ونشر الفكر الظلامي اللي خرج على مصر

نقابة التمثيل عطات القاصح للممثلة حلا شيحة اللي تبرات من فيلم شاركات فيه قبل ما تعتزل ودير الحجاب: ماغنسكتوش على محاولات العودة بنا للصفر ونشر الفكر الظلامي اللي خرج على مصر

عفراء علوي محمدي- كود//

ردات نقابة المهن التمثيلية على الممثلة المصرية حلا شيحة، من بعد ما خرجات تتبرى من مشاهد ليها ففيديو كليب بعنوان “بحبك” لتامر حسني عن فيلم “مش أنا”، اللي قريب يتعرض على صالات السينما فمصر، وهذشي بعد ما تبرات حتى من دورها فالفيلم كامل، بمجرد ما تزوجات ودارت الفولار.

والنقابة رفضات، من بعد هذ الضجة اللي دارت الممثلة المعتزلة، اللي وصفاتو ب”محاولات العودة بنا إلى الوراء”، من خلال “نشر الفكر الظلامي الذي عانى منه المجتمع المصري طول عقود، تحت غطاء التوبة، وكأن الموهبة التي منحها الله للمبدعين خطيئة”، حسب تعبيرها.

وزادت النقابة، فبيان ليها، انها ماغاتسكتش على تشويه الفن والإبداع اللي كيتعتبر أحد المؤشرات الثقافية لتطور الرؤية في المجتمعات المتحضرة، واكدات الدعم الكامل للإبداع والمبدعين في كافة الفنون عامة والمهن التمثيلية خاصة.

وحيت شيحة كل مرة تدخل الفن وتخرج منو، وتعتزل وترج، اعتبرات النقابة أن “”فخروج البعض من دائرة الفن وعودتهم المتكررة له إنما تعبر عن تذبذب فكري ورؤية ربما تحكمها مصالح شخصية”، واعتبرات ان هذ الحالات نادرة وماكتعبر غير على راسها.

وطالبات نقابة المهن التمثيلية بمقاطعة هذ الصفحات اللي بغاو ماليها  يرجعو بالرؤية الثقافية لمربع صفر، “في رجعية جديدة لا تستهدف سوى مصالح خاصة على حساب المصلحة العامة لهذا للوطن الذي لا ولن يبتلع طعم التشدد الذي أفضى للعنف والفوضى”، حسب تعبيرها.


وشيحة اعتزلات الفن قبل ما يخرج الفيلم اللي شاركات فيه، واللي عطلاتو جايحة كورونا، وتزوجات ودارت الحجاب، ومن بعد ما شافت الفيديو كليب اللي حط تامر حسني تبرات منو، وعاتباتو من بعد ما كانت وصاتو يحيد فيه شحال من لقطة، قبل ما يجاوبها هو بالقول انه حيد لقطات كثيرة، وانه من غير المنطقي تستنكر الفيديو كليب، فيحين ان الفيلم كامل قريب يخرج وفيه لقطات أكثر من هذي.

واعتزال شيحة قبل ما تتبرى من الفيلم والفيديو كليب نوض عليها النحل على مواقع التواصل الاجتماعي، بحيث شبعو فيها المتابعين ضحك، بسباب الاعتزال ديالها وعودتها فكل مرة على حساب كَانتها، وقالو ليها “عنداك غير تمشي تتطلقي وترجي للفن تاني”.

موضوعات أخرى

28/07/2021 04:00

مازل الكنز اللي فيها كايتلقى لـ دبا.. العثور على پـياسة ساوية 98 ألف دولار وسط بقايا الباطو “أتوتشا” اللي غرق فـ القرن 17 – تصويرة و تغريدة

28/07/2021 02:00

الشعبوية والرشوة فهاد لاكريز ماواكلاش.. أردوكَان دار فراسو الضحك فاش مشا زار ضحايا الفيضانات فـ تركيا ولاح ليهم أتاي باش يسكتهم – فيديو