الرئيسية > آش واقع > نظام الأسد طلب من البوليساريو تصيفط مرتزقة تحارب ف سوريا
04/03/2019 19:00 آش واقع

نظام الأسد طلب من البوليساريو تصيفط مرتزقة تحارب ف سوريا

نظام الأسد طلب من البوليساريو تصيفط مرتزقة تحارب ف سوريا

كود-الرباط//

العلاقات بين البوليساريو و نظام الاسد مزيانة بزاف،حيث بجوجهم تاريخيا كاينتاميو للتيار القومجي العروبيو ثانيا  حيث الجزائر كتدعم الاسد ف الحرب الاهلية مؤخرا و الاخير اللي متحالف مع الروس و الايرانيين خدام مند مدة غير بالمرتزقة من جميع انحاء العالم بعدما نقصات اعداد الجيش ديالو بحال مرتزقة حزب الله ولا ميليشيات شيعية من العراق و لا قوات يمينية متطرفة من اوروبا..

ورغم ان الجامعة العربية جرات على هاد النظام و بزاف من الدول سحبات سفراءها بعد الجرائم اللي دار، الجزاير مزال متمسكة به،والعلاقات ولات مزيانة كاع ملي المغرب قطع العلاقة مع الاسد،  و هاد الاسد اللي حاط قوات حزب الله ف دمشق و غيرها كايقلب كيفاش يجيب عندو قوات البوليساريو يخدمو كمرتزقة..باش يضرب ف المغرب اولا و ثانيا باش يحمي راسو من قوات المعارضة.

مصادر كود قالت ان طلبات الاسد السرية باش البوليساريو ترسل مقاتلين تحولات وولات علنية ، مثلا  خلال مؤتمر  مايسمى بالاتحاد الوطني للمرأة الصحراوية   فمخيم اوسرد اللي تدار الشهير الفايت، كان وفد النظام السوري حاضر  و خدا الكلمة و بقا كايهضر ليهم على السلم اللي ف سوريا و العروبة و المؤامرة و ديك الهضرة الخاوية و كان رئيس الجبهة حاضر ، و اضاف رئيس الوفد السوري ،قدام الوفود الاخرى اللي جاية من دول داعمة ليهم بحال فنزويلا و شي دول افريقية، انه كايطلب رسميا من البوليساريو تصيفط مقاتلين باش يشوفو “صمود الجيش السوري”.

 

موضوعات أخرى

23/05/2019 09:52

الداهي اكاي لرمضان مسعود: انت غير وصلتي الخبز للفران وكاينين غير 3 اللي عذبهم ابراهيم غالي وعصابتو اللي هما حنا وها فين وصلات القضية وها علاقة الحضرمي بهاد الشي