وكالات//

لقات واحد الدراسة جديدة عرضوها فاجتماع الجمعية الأمريكية للتغذية فبوسطن بلي تغيير غذائي بسيط، بحال ايلا بدلتي شوية من زيوت الطياب بزيت الزيتون، يمكن يساهم بشكل كبير فخفض خطر الوفاة بسبب الخرف، حسب موقع “مايند بودي غرين”.

الدراسة جات فوقت كيزداد فيه معدل الخرف فالعالم، وهذا الشي خلا الباحثين يركزوا أكثر على التغيرات فالعادات الحياتية اللي ممكن تساعد فالتقليل من خطر التدهور العقلي.

الدراسة خدمات بيانات من 2 ديال الدراسات طوال على الصحة والعادات ديال 90,000 متخصص فمجال الطب، وراقبوا عاداتهم لمدة 30 سنة تقريبًا، وتناولت العلاقة بين استهلاك زيت الزيتون والوفيات بسبب الخرف.

وكان متوسط عمر المشاركين 56 سنة فبداية الدراسة ف1990، ومع نهاية الدراسة توفى حوالي 5000 مشارك بسبب الخرف.

النتائج كانت مثيرة: الناس اللي كانو كيستهلكوا أكثر من نصف ملعقة طعام من زيت الزيتون يوميًا كان عندهم خطر أقل بنسبة 28% للموت بسبب الخرف مقارنة مع اللي كيستخدموه بشكل نادر.