وكالات//
الميريكانيين قدرو يوفرو 60 مليون ساعة في النهار كانو كيدوزوها غير في الترونسبور باش يوصلو لخداميهم، ولكن بسبب العمل عن بعد الأمور تغيرات.
الإحصائية وصل ليها بنك الاحتياطي الفيدرالي في ولاية نيويورك بعدما دار دراسة قارن فيها بين فترة ما قبل كورونا وفترة ما بعدها، وقال إن 15 في المائة ديال الميريكانيين مازال خدامين عن بعد للآن، و30 في المائة منهم مقسمين أيام الأسبوع.
الدراسة قالت إن هاد السيستيم ناجع بزاف، لأن الناس بدات كيشيط ليها الوقت باش تمارس الأنشطة ديالها، وتقابل ولادها وتنظف ديورها وما بقاتش كتفرط في خدمتها.
وفي نفس الوقت، كتقول الدراسة أن الناس لي خدامين عن بعد في ميريكان كييبقى ليهم الوقت باش ينعسو ساعات أكثر، والشباب كيلقاو كيفاش يسهرو ويخرجو في الليل بطريقة مريحة أكثر.
