كود سبور//

رجع الدولي المغربي نصير مزراوي للتشكيلة الرسمية ديال مانشستر يونايتد النگليزي، بعدما كان احتياطي فآخر ماتش للفريق.

وبعدما ولى مزيان واسترجع اللياقة ديالو، قرر مدرب مانشستر يونايتد أموريم، يدخل نصير مزراوي رسمي فماتش اليوم الاحد ضد فريق فولهام ضمن منافسات كاس النگليز.

وكان نصير مزراوي توعت فماتش مانشستر يونايتد ضد ايفرتون، قبل سيمانا فبطولة النگليز، وتوعت فالركبة وما بغاش المدرب أموريم يغامر به، الاربعاء الماضي ضد ابسويتش تاون ضمن منافسات بطولة النگلي ودخلو حتى الدقائق الأخيرة.