كود سبور//
صبح حضور الدولي المغربي نصير مزراوي للمعسكر التدريبي ديال المنتخب الوطني المغربي لكرة القدم، استعدادا لمواجهة إفريقيا الوسطى برسم الجولة 3 والجولة 4 من إقصائيات كأس إفريقيا 2025، (صبح) مشكوك فيه حيث توعت.
وغايدير نصير مزراوي فحوصات طبية، اليوم الاثنين فالمركز الطبي الخاص بالفريق ديالو مانشستر يونايتد النگليزي حسب ما كشف عليه مدرب المان إريك تين هاگ، واللي قال إن الظهير الأيمن المغربي توعت ضد أستون فيلا البارح الاحد ضمن منافسات بطولة النگليز داكشي علاش لعب غير الشوط الأول وخرجو.
المدرب ديال مانشستر يونايتد قال أنه عارف شنو عند نصير مزراوي، ولكن ما يقدرش يقول حتى حاجة على الحالة الصحية ديالو، حتى يدير اللاعب الفحصوصات الطبية اليوم الاثنين.
وكان الناخب الوطني وليد الركراكي عيط على نصير مزراوي استعدادا لدخول المنتخب الوطني المغربي هذه السيمانا معسكر تدريبي فمركز محمد السادس لكرة القدم، باش يوجدو لمواجهة افريقيا الوسطى.
