گود سبور//

رجع عبد اللطيف نصير لحضور التداريب ديال الوداد الرياضي، وكان حاضر فالحصة التدريبية ديال اليوم الاثنين.

ووضح مصدر ودادي أن عبد اللطيف نصير مدرب ليسبوار د الوداد، اللي كان حاضر فالحصة التدريبية ديال الوداد الرياضي اليوم الاثنين استعدادا لماتش الفريق ضد يعقوب المنصور فالبطولة، راه المهمة ديالو هي يدعم الفريق ويموتيفي لگروب، ويعاون اللاعبين الشباب ديال فريق الأمل اللي كايعيط لهم باتريس كارتيرون باش يتأنطيگراو مع الفريق الأول، وباش يكون واحد التنسيق من ناحية أسلوب اللعب وطريقة الخدمة ما بين الفريق الأول وفريق الأمل.

وكانت استغربت مكونات الوداد الرياضي من غياب عبد اللطيف نصير على الطاقم التقني د الفريق الأول فالماتش اللي فات ضد الكوكب المراكشي، بعدما كان حاضر فالحصص التدريبية د الفريق الاحمر اللي كانو قبل منها.