وكالات //
منظمة الصحة العالمية نصحات الدول باش تدرس إمكانية فرض الكمامات على المسافرين في الطيارة لي عندهم رحلات طويلة، بسبب الانتشار السريع ديال المتحور الجديد من فيروس كورونا.
النصيحة ديال منظمة الصحة العالمية جات بعدما تسجل عدد كبير من الإصابات بكورونا في عدد من دول العالم، ولي انتشرت بسبب الرحلات الجوية بين البلدان.
الرجوع للكمامات قالت منظمة الصحة العالمية ما خاصوش يكون غير في رحلات الطيران، ولكن الناس خاصها ترد البال ويكون في الأماكن لي مسدودة وما كيدورش فيها الهواء بزاف.
