وكالات//

تمكنوا مجموعة من النصابة أنهم يخدعو موظف في واحد البنكة صينية، وقولبوه باش حول ليهم 25 مليون دولار.

على حساب ماقالت بزاف ديال المواقع العالمية أن هاد النصابة استخدمو الذكاء الاصطناعي والتزييف العميق، باش تمكنو من أنهم يطيحو الموظف في الشبكة ديالهم وينصبو عليه نصبة عالمية.

لي وقع هو أن هاد النصابة دارو مكالمة بالفيديو مع الموظف، وخبروه أنهم في اجتماع مع المدير التنفيذي وكبار المسؤولين في البنك، والسيد بصح فين دخل للاجتماع لقا دوك المسؤولين لي كيعرفهم مزيان.

غير هو كاع هذيك الشخصيات هي بصنع الذكاء الاصطناعي وتقنيات “التزييف العميق”، وقالو ليه أنه يحول ليهم 25 مليون دولار لواحد الحساب عطاه ليهم.

دابا القضية كبرات بزاف ودخلات فيها جهات كبيرة من الصين وخارجها وخاصة شركة بريطانية لي علنات أنها المسؤولة على هاد التقنية، وبداو التحقيق باش يعرفو شكون لي دار هادشي.