وكالات//

علن مكتب التحقيقات الفيدرالي (FBI) أن ماري كارول ماكدونيل، وهي مواطنة أمريكية من ميشيغان عندها 73 عام، مازالت هاربة بعد ما تّهموها بالنصب على بنوك ومؤسسات مالية فولاية كاليفورنيا بحوالي 30 مليون دولار.

السلطات كاتتهم ماكدونيل، اللي عندها علاقات بمدينة مونتغومري فولاية ألاباما، بأنها كذبات وقالت بالزور أنها الوريثة ديال عائلة ماكدونيل ديال الطيارات، وأن عندها لولوج صندوق ائتماني سري فيه 80 مليون دولار.

وحسب الـFBI، فهي “كانت عارفة ونيّتها النصب، ونسقات وشاركت فعملية باش تحصل على فلوس وأصول ملك البنك ديال كاليفورنيا”.

البيان كيشير أن ماكدونيل خداّت حوالي 14.7 مليون دولار من البنك بطريقة احتيالية، وكانت عارفة أنهم ماشي من حقها وما رجعاتهمش. وكيتقال حتى أنها نصبات على مؤسسات مالية أخرى بنفس الطريقة وبمبالغ كتفوت 15 مليون دولار.

وكيقول المكتب أن ماكدونيل هي مرا شقراء، طولها 170 سم، وزنها 65 كيلو، وعندها ندبة فالرجل اليمنى.

وكانت ماكدونيل قبل كتشتغل ف منصب الرئيس التنفيذي ديال شركة Bellum Entertainment LLC اللي تسدّات، وهي شركة إنتاج كانت فبوربانك وكتصايب برامج بحال I Married a Murderer وIt Takes a Killer.