گود سبور//

رجع الطالياني كارلو أنشيلوتي مدرب ريال مدريد الإسباني، النجم المغربي إبراهيم دياز للاحتياط وهذا الشي واخا تألق وربّحو فشومبيونزليگ ضد أتلتيكو مدريد الإسباني الثلاثاء الماضي، وربح جائزة أحسن لاعب فالريال لشهر فبراير الماضي.

وقرر كارلو أنشيلوتي يگلس الدولي المغربي ابراهيم دياز فالاحتياط، وما يلعبوش رسمي فالماتش ديال اليوم الاحد ضد رايو فاليكانو ضمن منافسات بطولة الصبليون، ولعب جود بيلنگهام، وروديگو، ومبابي، وفينيسيوس.

ومن الممكن يخلي تعامل كارلو أنشيلوتي مع ابراهيم دياز، وهذا الگلوس اللي كايگلسو فالاحتياط (يخلي) النجم المغربي يقلب على أفاق أخرى للتألق خصوصا وأن ليفربول النگليزي حاطين عليه العين وباغينو.