الرئيسية > آش واقع > نشرة “كوفيد” النصف شهرية: الموت تزادت ب5,9 فالمية هذ السيمانة وانتقلنا من 25 وفاة يومية ل74 وفاة يومية هذ الشهر.. لكن كاين أمل بعد انخفاظ معدل الإصابة التراكمي ومؤثر توالد الحالات
24/11/2020 18:30 آش واقع

نشرة “كوفيد” النصف شهرية: الموت تزادت ب5,9 فالمية هذ السيمانة وانتقلنا من 25 وفاة يومية ل74 وفاة يومية هذ الشهر.. لكن كاين أمل بعد انخفاظ معدل الإصابة التراكمي ومؤثر توالد الحالات

نشرة “كوفيد” النصف شهرية: الموت تزادت ب5,9 فالمية هذ السيمانة وانتقلنا من 25 وفاة يومية ل74 وفاة يومية هذ الشهر.. لكن كاين أمل بعد انخفاظ معدل الإصابة التراكمي ومؤثر توالد الحالات

عفراء علوي محمدي- كود//

علنات وزارة الصحة، فتصريحها النصف شهري، اننا فهذ السمانة، من 16 إلى حدود يوم الأحد 22 نونبر، سجلنا 537 وفاة بفيروس كورونا المستجد، بزيادة ديال 5,9 فالمية بالمقارنة مع الأسبوع اللي فات، كيف وصلو عدد الإصابات اللي تسجلو هذ الأسبوع الأخير إلى 31764، وهكذا نقص عدد الإصابات بالمقارنة بالأسبوع اللي فات ب12,7 فالمية.

بالنسبة لمعدل الإصابة الأسبوعي لكل 100 ألف نسمة، فحقق انخفاض ل88,1، بينما كان محدد ف100,6 فالأسبوع اللي فات، و94,8 فالأسبوع اللي قبل منو.

أما عند مقارنة معدل الإصابة الأسبوعي لكل 100 الف نسمة حسب الجهات فالأسابيع الثلاثة اللي فاتو، تبين أنه بقا مستقر من 2 حتى ل22 نونبر، بحيث بقا فايت 50 لكل 100 ألف نسمة فكَاع الجهات، باستثناء جهة درعة تافيلالت وبني ملال خنيفرة ومراكش آسفي اللي فيهم بين 20 و30 لكل 100 الف نسمة، وجهة فاس مكناس اللي فيها أقل من 20 لكل 100 الف نسمة

بالنسبة لمنحنى التطور الأسبوعي لعدد الكشوفات ونسب الإيجابية، فكتحدد 160 الف تحليلة فالاسبوع، بينما نسبة الحالات المصابة من مجمل التحاليل نزلات ل20 فالمية، فالوقت اللي كانت فالاسبوع الماضي مكتعداش فايتة 23 فالمية.

بالنسبة لمؤشر توالد الحالات على الصعيد الوطني فنهاية الأسابيع اللي فاتو، فبلغ ف1 نونبر 1,01 ، وف8 نونبر 1,22، وف15 نونبر 1,03، وف22 نونبر 0,9، وهذا كيعني أنه غادي وكينخفض.

وواخا على المستوى الاسبوعي الحالة الوبائية تحسنات، على المستوى الشهري لا، بحيث معدل الوفيات على المستوى الشهري على سبيل المثال. غادي وكيتزاد، بحيث كيتحدد ف 25 فاليوم فشهر غشت، 35 فشتنبر،48 فأكتوبر، و74 فنونبر،

بالنسبة لمعدل الحالات فاليوم الواحد على المستوى الشهري فحتى هو غادي ويرتفع، بحيث كان 1234 فغشت، و2035 فشتنبر، و3078 فأكتوبر، وفهذ الشهر وصل ل4812.

واللافت فهذ التصريح النصف شهري هو أنه ماتوفرش على شحال من معطيات كنا ولفنا الوزارة تزودنا بيها، بحال ترتيب المغرب الوبائي عالميا قاريا، ومعلومات أكثر دقة على نسبة ملء اسرة الإنعاش وعدد الحالات الحرجة هذ الاسبوع بالمقارنة مع أسابيع أخرى.

موضوعات أخرى

17/01/2021 03:00

عاش بجوج وجوه حياتو كاملة.. ضابط مصري تزوج وترقى وتقاعد من بعد 32 عام ديال السربيس.. و عاد اكتشفوا أنه “مزور” و غير منتاحل الصفة