الرئيسية > آش واقع > نشرة كورونا النصف شهرية: بعد تخفيف القيود فالمغرب الإصابات طلعو ولكن الموت قلالت
22/06/2021 20:30 آش واقع

نشرة كورونا النصف شهرية: بعد تخفيف القيود فالمغرب الإصابات طلعو ولكن الموت قلالت

نشرة كورونا النصف شهرية: بعد تخفيف القيود فالمغرب الإصابات طلعو ولكن الموت قلالت

عفراء علوي  محمدي – كود كازا//

فالفترة الممتدة ما بين 7 يونيو حتى ل21 يونيو 2021، عرف المغرب ارتفاع صغير فعدد الإصابات، وانخفاض فخالات الموت، بينما تسجل ارتفاع فعدد المصابين فأقسام الإنعاش.

أما بخصوص المنحى الوبائي الأسبوعي، قال عبد الكريم مزيان بلفقيه، رئيس قسم الأمراض السارية فوزارة الصحة، أننا سجلنا زيادة ب12,1 فالمية هذ السيمانة بالمقارنة مع السيمانة لي فاتت، بحيث سجلنا  هذ الأسبوع 2761 إصابة، مقابل 2464.

وبالنسبة لمنحى الوفيات الأسبوعي، فسجلنا انخفاض طفيف بالمقارنة بالأسبوع اللي فات، بحيث سجلنا 27 وفاة هذ المرة، بينما كنا سجلنا قبل 33.

وبخصوص عدد الوفيات حسب الجهات، كتجي جهة كازا سطات فالمقدمة ب7 وفيات، بعدها الرباط سلا وفاس مكناس ب4، و3 فجهة بني ملال خنيفرة،و2 فكل من طنجة تطوان ومراكش آسفي وسوس ماسة، ووفاة وحدة فكل من درعة تافيلالت وجهة الشرق وجهة العيون الساقية الحمرا.

أما بالنسبة لإيجابية التحاليل، فجهة الداخلة واد الذهب فهذ السيمانة اللخرة كتجي فالرتبة الأولى ب7,49 فالمية ديال الإيجابية، كتجي بعدها جهة كازا سطات ب6,11، ثم جهة درعة تافيلالت ب5,54.

وتسجل ارتفاع فعدد المرضى اللي كاينين فأقسام الإنعاش، بحيث فالسيمانة اللخرة، طلعنا من 134 حالة ل173 حالة، بينما تحدد عدد الناس اللي كيديرو التنفس الاصطناعي الاختراقي ف3 مصابين.

وبالنسبة لترتيب المغرب عالميا وقاريا، أكدات وزارة الصحة فنشرتها أن مركز المغرب ماتغيرش، وبقى كيحتل الرتبة 43 عالميا فعدد الحالات، و46 فعدد الوفيات، و49 فعدد الكشوفات.

أما على المستوى الإفريقي، بقى المغرب فالمركز 2 فالإصابات والكشفات، والمركز 4 فالوفيات.

موضوعات أخرى

27/07/2021 21:30

شيافر الطاكسيات فمكناس كاعيين بسباب قرار جوج بلايص.. وشيفور لـ”كود”: مكرفصين ومتضررين ماديا ومول الطاكسي مايعقلش عليك وغيبغي روسيطتو كاملة