الرئيسية > آش واقع > نشرة كورونا النصف الشهرية. الوضعية الوبائية فبلادنا تحسنات: تصابو 3119 واحد بالفيروس فسيمانة وماتو 83
16/02/2021 17:45 آش واقع

نشرة كورونا النصف الشهرية. الوضعية الوبائية فبلادنا تحسنات: تصابو 3119 واحد بالفيروس فسيمانة وماتو 83

نشرة كورونا النصف الشهرية. الوضعية الوبائية فبلادنا تحسنات: تصابو 3119 واحد بالفيروس فسيمانة وماتو 83

كود كازا//

مازال الوضعية الوبائية دفيروس كورونا المستجد فالمغرب كتحسن، وكاع المؤشرات نازلين، وهذشي اللي بينات عليه وزارة الصحة، فتصريحها النصف شهري، فالفترة الممتدة ما بين 8 و15 فبراير 2021.

بخصوص المنحى الوبائي الأسبوعي، قال عبد الكريم مزيان بلفقيه، رئيس قسم الأمراض السارية فوزارة الصحة، أننا سجلنا انخفاض ديال 25,7 فالمية بالمقارنة مع الأسبوع اللي فات، بحيث سجلنا 3119 إصابة مقابل 4198 بالمقارنة مع السيمانة اللي فاتت، وشمل هذ الانخفاض 10 جهات.

وكشف مزيان بلفقيه أن جميع المناطق فالمغرب تقريبا فيها اقل من 20 حالة لكل 100 ألف نسمة، باستثناء إقليم واد الذهب ووجدة اللي عندهم من 20 حتى ل50.

وبالنسة لمنحى الوفيات، فسجلنا انخفاض ديال 30,3 فالمية، بحيث ماتو هذ السيمانة 83، مقابل 119 ماتو السيمانة اللي فاتت.

بالنسبة لعدد الوفيات حسب الجهات، كتجي جهة كازا سطات فالمقدمة ب29 وفاة، بعدها جهة الشرق ب13، ثم جهة الرباط ب12، وجهة طنجة 8، بينما جهات العيون الساقية الحمرة وجهة بني ملال خنيفرة ماسجلو حتى وفاة.

أما معدل الإصابة الأسبوعي لكل 100 ألف نسمة، فحقق انخفاض ل8,6 فالاسبوع الأخير، بينما كان محدد ف19,5 فبداية يناير.

وعدد المرضى اللي كاينين فأقسام الإنعاش حتى هوما نقصو هذ السيمانة، بحيث فالجوج سيمانات اللخرين، دزنا من 641 حالة ل524 حالة ولبارح.

وبخصوص مؤشر توالد الحالات على الصعيد الوطني فنهاية الأسابيع اللي فاتو، فبلغ ف17 يناير 0,88، و24 يناير 0,90، و0,84 ف31 يناير، و0,91 ف7 فبراير، و0,85 ف14 فبراير.

وبالنسبة لترتيب المغرب عالميا، أكدات وزارة الصحة فنشرتها أن المغرب بقى فالرتبة 34 على مستوى الإصابات، كيف بقا فالرتبة 37 من ناحية الوفيات، ونقص ب2 رتب من ناحية الكشوفات طلع للرتبة 42.

وعلى المستوى الإفريقي ترتيب المغرب ماتغيرش، بحيث باقي الثاني إفريقيا على مستوى الإصابات والكشوفات، والثالث فعدد الوفيات.

موضوعات أخرى

06/03/2021 15:30

مقاطعة الانتخابات واستقالة رئيس الحكومة في لقاء أمانة البي جي دي.. وقيادي لـ”كود”: ها وقتاش غايقرر برلمان الحزب في نازلة الانقلاب الفاشستي على الخيار الديمقراطي

06/03/2021 15:00

ستة ديال النقط كايبينو شحال غاتكون الحياة كئيبة كون كنا كاملين كانعيشو كيف بغا لينا نعيشو مول الفوقية ! لا غنا ! لا عيوط ! لا طقطوقة ! لا عيالات زوينات فالزنقة ! لا بحر و برونزاج ! لا سهرات لا حيوح ! والو غانبداو نشربو غا اتاي فالغابة و نبردو على راسنا بديك ” الدين ليس الابتعاد عن الحياة”

06/03/2021 14:30

زيان لـ”كود” على رغبتو فالالتحاق بالعدالة والتنمية: هذا ماشي اعتراف بهزيمتي فمؤتمرهم الوهمي.. وحطينا ضدهم 3 شكايات وجلسة جديدة غتكون ف15 مارس