وكالات//

بوليس لميريكاني قال أنه لقا مقاطع فيديو لحالات اغتصاب ديال 10 أطفال فاقدين الوعي فتلفون ديال مدرب كرة قدم كاميلو هورتادو كامبوس فولاية تينيسي بعدما نساه فواحد ريسطو، وشدوه بتهمة الاغتصاب والاستغلال الجنسي.

البوليس قال بللي هاد خونا فساعات الفراغ ديالو كان كيمشي لتيرانات ديال المدارس لي كاينين فالمدينة، وكيتصاحب معا الوليدات تما وكيديرهم فالفريق ديالو، ومن بعدما كسب الثقة ديالهم، كان كامبوس كيعرض عليهم لدارو وكيخدرهم ويغتصبهم.

البوليس كيقول بلي كامبوس اغتاصب أطفال لعمر ديالهم بين 9 و17 عام، ولقاو مقاطع ديال 10 أطفال على الأقل تعرضوا للاغتصاب وتصورو بتيلفون، والمحققون كيعتاقدو أن الضحايا محال واش عارفين شنو وقع ليهم حيت فلقطات ديال فيديوات كانو كيبانو فاقدين الوعي.