الرئيسية > آراء > نزاع عادي بين راجل ومرتو حول الحق ديال الإنتفاع بترمتها ولمن كيرجع بموجب عقد النكاح لي كيجمعهم تطور لإعتداء جسدي على الزوجة في عوض توقع إدانة للعنف ضد المرأة وقع العكس
05/07/2020 15:00 آراء

نزاع عادي بين راجل ومرتو حول الحق ديال الإنتفاع بترمتها ولمن كيرجع بموجب عقد النكاح لي كيجمعهم تطور لإعتداء جسدي على الزوجة في عوض توقع إدانة للعنف ضد المرأة وقع العكس

نزاع عادي بين راجل ومرتو حول الحق ديال الإنتفاع بترمتها ولمن كيرجع بموجب عقد النكاح لي كيجمعهم تطور لإعتداء جسدي على الزوجة في عوض توقع إدانة للعنف ضد المرأة وقع العكس

محمد سقراط-كود///

نزاع عادي بين راجل ومرتو حول الحق ديال الإنتفاع بترمتها ولمن كيرجع بموجب عقد النكاح لي كيجمعهم، هاد النزاع تطور لإعتداء جسدي على الزوجة في عوض توقع إدانة للعنف ضد المرأة وقع العكس، الإدانة توجهات للزوجة لأنها صورات روتينها اليومي وشدات الصف مع الالاف ديال المغربيات لي على مايبدو متافقين مع الشركاء ديالهم حول حق الإنتفاع ولمن يعود، وطرق زيادة الدخل الجديدة، وإستثمار الهبات الطبيعية في شيئ دو فائدة، وبزاف اعتبروا الزوج راجوول دافع عن شرفه بينما هو غايب يضرب تمارة باش يجيب مصروف الدار، مرتو قررات أنها تنقص عليه هاد التمارة وتسجل فيديوات ديال روتيني اليومي من أجل دخل محترم لي يجنب الزوج أنه يتغرب في بلادات الناس من أجل قفة ديال التقدية، بغات راجلها يبقى قريب منها وعلاش لا يعاونها في تطوير القناة، ولكن للأسف حسب ماقال أنها معلماتوش وبغات تفريلانسي من ورا ظهرو وهنا فين تعدى عليها وراه القانون غادي يحكم في النازلة.

واش هاد الراجل متخلف طبعا لا، هذا راجل خرق القانون وفقط وغادي يتعاقب، ولكن المتخلفين ديال بصح هوما الناس لي تشفاو في المرة واعتبروا الزوج بطل لأنه غير المنكر وشوه لمرتو التوجيهة ديال المشروع، في إعتداء جسدي ومعنوي متضرر منو حتى هو وولادو ومرتو والمجتمع والمشاهدين، أصلا راها جايا وقت كحلة لي عندو شي عضو كيفما كان راه غادي يبغي يترزق بيه الله فاليوتوب ولا تيك توك، وزايدون شنو الفرق بين لي كيدخل الصرف بدماغو أو بدراعو أو بترمتو راه حتى هي عضو بحال باقي أعضاء الجسد، مايمكنش نبقاو نألهو الدماغ ونبخسو من دور الأعضاء الأخرى، راه ممكن تعيش بلا دماغ أو يكون عندك وتعيش بلا متخدمو بحال بزاف ولكن صعيب تعيش بلا ترمة راه الدماغ أصلا مهم غير لشوية ديال الناس باس يسيرو العالم تاباقي راه ترمتهم حسن من دماغهم.

ماشي من حق أي وحدة مزوجة أو واحد مزوج يصورو روتينهم اليومي بلا علم الشريك ديالهم( هاديك واحد مزوج زدتها غير من باب الصوابية السياسية أما كلنا عارفين أن الروتين اليومي ديال لمرة هو لي كيتشاف ديال الراجل ماساوي بصلة لا روتينه اليومي ولا الشهري)، كيف ماشي من حق أي واحد يتكرفص على مرتو وخصوصا أنه يشوه ليها المشروع، راه خرج حتى على مستقبلها ومستقبل دوك الوليدات لي كانو غادي يعيشو من الأدسنس ملي يمشي باهم للحبس، دابا هاهو في الحبس وها الروتين حبس وهادشي غير على ود عنتريات قروسطية مابقات واكلة والو فهاد عصر تهباط السروال العالمي.

موضوعات أخرى

14/08/2020 11:00

شطاحة فينيزويلية كتهضر على حياة الليل فالمغرب: كيقول عليه دولة محافظة لكن فالليل كيولي كلو حرية ونشاط.. والسواعدة كيلوحو علينا حفنات كبار دالفلوس عمري شفتهم فحياتي

14/08/2020 09:14

المغرب لعب دور فهاد العلاقات الاماراتية الاسرائيلية. نسيب ترامب وكبير مستشاريه تلاقى بمحمد بن زايد فالمغرب هادي عام. دابا واش الرباط غادية تكون هي الثانية بعد ابو ظبي وتفتح سفارتها فتل ابيب؟