كريم الشركي-كود///

نجيب الوزاني  البروفيسور الجراح فالعظام لي كيعرف يدير عمليات دقيقة، خانته السياسة بعدما تم الانقلاب عليه من رفيقه وابن الريف عبد المنعم الفتاحي، وصار من امين عام لحزب، الى سياسي يمارس الطواف بين الاحزاب.

الوزاني لي كان كيحصد دائما الرتبة الاولى فالانتخابات البرلمانية بالريف، دارت عليه الايام ورجع كيدور على الاحزاب طالب راغب فالتزكية.

الوزاني لي كان ذوب حزب العهد فنسخته الاولى داخل البام، رجع واسس العهد الديمقراطي وبعدها وملي كان امين عام الحزب ترشح باسم البيجيدي فالحسيمة وماجاب والو، ثم دابا ختار السنبلة.

الخبر خلا بزاف دالناس يتأسفو على الوزاني لي كان سياسي كيعرف يجيب مقعد برلماني فالريف بحب الناس، ودابا بسباب العداوة السياسية مع الفتاحي وبعض السياسيين فالريف رجع عندو مشكل غير فالتزكية.

وكان تعيين الوزاني مع البي جي دي قلق الدولة وهاد الشي جبدو الملك بعد تعيينه لبنكيران بتشكيل الحكومة ف2016 اللي ما قدرش يشكلها وكملها بنعرفة.

دابا ولى الوزاني زعيم حزب مرشح باسم حزب اخر وكاين امين عام حزب اخر سابق اللي هو حميد شباط مرشح باسم حزب اخر