وكالات //

مات الممثل المكسيكي – الميريكاني آدام كانتو، المعروف بالدور ديالو ف فيلم X Men: Days Of Future، وعمرو 42 عام، بسبب المعاناة ديالو من سرطان المسرانة الزايدة.

الممثل المكسيكي، بدا ف المجال الفني بكري، مللي هاجر لميريكان وعمرو غير 16 عام، وولا كيدير التمثيل ف المسارح وكيكتب الأغاني.

من بعد اقتاحم كانتو عالم التمثيل وخدم أول مرة فالمسلسل المكسيكي Estado de Gracia  عام 2009.

أول مرة غادي يبان فيها فشي سيري ميريكانية، فغادي تكون فالمسلسل The Follow  للمخرج كيفن ويليامسون.

وتعرف عليه الجمهور أكثر فين لعب دور البطولة بشخصية أرمان موراليس في دراما الجريمة The Cleaning Lady، قبل ما يتشهر بزاف فالعالم كامل ف الفيلم X Men.

الممثل الشاب مات وخلا بنت وولد، الأولى عندها 3 سنين والثاني عندو عام واحد.